aia bariak tando tak dalam
bakucak tandonyo tak panuah
bak cando tong kosoang jaleh nyariang bunyinyo
diam dek sagan malu bagaduah

tinggilah ruok nan pado boto
santiang saraso paliang dimuko
sadonyo ka diagah bak raso nan ka iyo
basorak kan jaso nan sabijo

usahlah mararau manciracau
manggantang rasakinyo urang
raso awak surang nan bamandi paluah
gilo manokok jo mambunyikan

bukan dek santiang tuan mandulang
dek basamo mangkonyo manjadi
pintak buliah kandak balaku
Nan kuaso pambari rasaki

usah disorakkan juo
bak manapiak aia di dulang
Nan ka basah yo kito juo
Tarimo lah jalan nan basimpang