Sajak pipik manjadi alang
Kini lah pandai tabang
Tuan lah maraso gadang
Nan ketek tak lai tuan pandang

Dulu tidak kini lah ado
Tuan lah punyo sagalonyo
Malang nyo kini tuan lah lupo
Bakeh tampek hinggok salamo ko

Kana-kanalah oi tuan
Roda ko masih baputa
Kayo usah dipanggakan
Kana badan kok manyasa

Gadang usah malendo
Tinggi usah manyundak
Kana-kanalah juo
Ka bakeh tampek tagak
Kini ko tuan yo sadang di ateh
Malayok di langik tinggi

Nyampang isuak cakak babaleh
Sado urang lah banci
Nyampang isuak cakak babaleh
Tuan juo nan ka marasoi